ამ წიგნში ამომწურავად არის გაშუქებული ეკონომიკის ფსიქოლოგიის საკითხები, რა გავლენას ახდენს ადამიანის ქცევა და ფსიქოლოგიური ფაქტორები ეკონომიკური გადაწყვეტილებების პროცესში როგორც ინდივიდუალურ, ისე კოლექტიურ დონეზე. ეკონომიკური ქცევისა და ინტერაქციის თვალსაზრისიდან ავტორები სამ ძირითად ბაზარს განიხილავენ: მომხმარებელთა ბაზარს, შრომის ბაზარს და ფინანსურ ბაზას. წიგნში შესულია ისეთი საკითხები, როგორებიცაა: 1. მომხმარებლის ქცევა: როგორ აკეთებს მომხმარებელი არჩევანს და რომელი ფსიქოლოგიური ფაქტორები მუშაობენ ამგვარი გადაწყვეტილების პროცესში. 2. ფული და ფინანსური გადაწყვეტილება: როგორ გამოიმუშავებს ინდივიდი ფულს, როგორ ინახავს მას, როგორ აფასებს რისკებს და როგორ აისახება ეს ყველაფერი ფინანსურ ქცევაზე. 3. ეკონომიკური გადაწყვეტილებები ორგანიზაციებში: როგორია ადამიანების ქცევა სამუშაო დაწესებულებებში, მათ შორის ნდობა, კოოპერაცია, გუნდური გადაწყვეტილება. 4. ქცევითი ეკონომიკა: რა გზით უწევენ კონკურენციას ფსიქოლოგიური ფაქტორები ტრადიციულ ეკონომიკურ მოდელებს. 5. სოციალური და კულტურული გავლენები: სოციალური ნორმების, კულტურის და ემოციების როლი ეკონომიკური ქცევის ფორმირებაში. წიგნი ეყრდნობა როგორც თეორიას, ისე ემპირიულ კვლევას. ის განკუთვნილია სტუდენტებისთვის, სოციალური ფსიქოლოგიით და ეკონომიკური ქცევით დაინტერესებული მკითხველისთვის.
